segunda-feira, 11 de dezembro de 2017

PALABRA DA SEMANA

11 - 15 de Decembro.


segunda-feira, 4 de dezembro de 2017

PALABRA DA SEMANA

4 - 5 de Decembro.


segunda-feira, 27 de novembro de 2017

PALABRA DA SEMANA

27 de Novembro - 1 de Decembro.


sexta-feira, 24 de novembro de 2017

HORARIO DE APERTURA DA BIBLIOTECA

A biblioteca permanecerá aberta prestando os seus servizos de empréstito e devolución, lectura en sala, busca de información, uso dos ordenadores no seguinte horario:

Para o alumnado:

  • De luns a venres no tempo de recreo.
  • Os luns, mércores e xoves de 16 a 18 horas.

Para os adultos:
  • Os luns e mércores de 9 a 10 horas.
  • Os luns, mércores e xoves de 16 a 18 horas.

27 DE OUTUBRO: CLUBE DE LECTURA FAMILIAS

Resultado de imagen de club lectura adultos


O vindeiro luns 27 de novembro de 9 a 10 horas terá lugar a primeira xuntanza do clube de lectura para adultos que se vai a desenvolver por primeira vez no centro. As xuntanzas serán quincenais e nesta primeira adicarémola para organizarno e escoller o libro que imos a comezar lendo.

Agardamos que esta actividade sexa do voso agrado e que lle saquedes moito proveito.

MÁIS RECURSOS 25 DE NOVEMBRO


Dende o equipo de biblioteca decidimos sintetizar o Día Internacional da Ciencia para a Paz e o Desenvolvemento, así como o Día Internacional Contra a Violencia ás Mulleres, para o que propoñemos investigar ao noso alumnado ao redor dos recursos tecnolóxicos creados para o control dos maltratadores -control telemático do agresor-,  así como reflexionar sobre o uso e o enfoque co que se están aplicar estes avances tecnolóxicos: quen os creou? como funcionan? baixo que criterios e enfoque se utilizan...?

Neste sentido, a seguinte noticia é moi reveladora:





Asemade, as matemáticas e a ciencia están estreitamente relacionadas. Achegamos outra noticia que inclúe unhas gráficas moi significativas cuxa análise e interpretación pode suscitar interesantes reflexións.





Outra proposta sería reflexionar sobre o uso das redes sociais e particularmente dos móbiles, para o control das súas parellas por parte de agresores adolescentes, entre outras situacións, reflexionando sobre o uso das novas tecnoloxías e das redes sociais.




No timbre musical esta é a canción escollida para esta quincena:



Podemos aproveitar e escribirlle unha carta ás rapazas do IES de Teo, recoñecendo a necesidade e importancia de letras e verbas con este tipo de mensaxes.




En TICS Aguiño, no apartado de Cidadanía, Valores Sociais e Cívicos, tedes unha importante escolma de recursos no subapartado de Coeducación, Xénero e Violencia de Xénero.




Achegamos un enlace de CEDEC Educalab do Ministerio de Educación, con 12 vídeos para traballar a violencia de xénero na aula.




Curta O Túnel, realizada polo IES Moncho Valcarce:






Conto "Arturo e Clementina", que malia que semella un libro dirixido á comunidade dos/as pequenos/as e medianos/as, non ten idade.

25 DE NOVEMBRO: DÍA CONTRA A VIOLENCIA DE XÉNERO.

Con motivo desta conmemoración no centro repartimos un autolocante  cunha imaxe de Margaret Keane titulada LÚA AZUL, nos engadímoslle "reMATAR" xogando coa palabra en positivo como  a necesidade de "rematar" con esta lacra, e por outra banda, xógase coa idea de "re-matar" enfatizando a acción de "repetir" esta morte cada vez que hai unha situación de maltrato, é dicir, unha muller que é maltratada morre repetidas veces.



Para reflexionar sobre esta data, xa que subiron a 11 o número de mulleres asasinadas así coma de nenos, elaborouse unha presentación de Margaret Keane, que nos servirá para traballar ao longo de todo o curso.



Porque se preparou a presentación da obra de Margaret Keane?



Porque é unha muller anulada como cidadá, como muller, como artista...polo seu marido que lle roubaba a autoría das obras e a dignidade como mullerMáis alá da estética da obra que pode resultar "edulcorada" está a historia de vida que late detrás e que pode ser de interese para traballar. O protagonismo dos nenos/as na súa obra, pode abrir unha porta de reflexión e sensibilización para falar deste tema nas aulas.

A presentación ten varias partes: unha obra dividida que pode ser obxecto de descrición, de sensacións..., oito obras onde aparecen escenas de nenos/as; oito obras onde os nenos/as parecen están observando unha situación e finalmente oito obras onde aparecen chorando. Estas obras de nenos/as poden servir para falar que sobre a violencia machista onde a padecen as mulleres, os fillos/as, os familiares...e sen lugar a dúbidas é un problema de toda a sociedade, e pola tanto da escola.
Dicir tamén que como hai un neno máis asasinado saliéntase o número 8 en toda a presentación.

Estase montando unha instalación no corredor, no que se exporá a obra de Margaret Keane. Cando este rematada compartiremos imaxes da mesma.

O cartel tamén inclúe un poema de A.García Teijeiro, posto que é un xeito de sumarnos ás voces contra o maltrato, aínda que non suframos esta lacra en primeira persoa, é un problema de todos e todas. Os datos son tremendamente escalofriantes.



A PRIMEIRA
                PERSOA
                 DO  SINGULAR
DEIXOU
                  DE CONXUGAR
O VERBO SENTIR
PARA UNIRSE
                     ÁS VOSAS
E CREAR O PLURAL
DUNHA CONXUGACIÓN
                       FERMOSA:
                          “NOS SENTÍMONOS”.                                          
                                         
                                                                       (A.García Teijeiro)

segunda-feira, 20 de novembro de 2017

PALABRA DA SEMANA

20 - 24 de Novembro.


quarta-feira, 15 de novembro de 2017

PLAN PROXECTA: "DONAS DE SI"

Este curso tamén participaremos no plan proxecta co proxecto de centro que leva por título:

  "TesELAS: mosaicos incompletos"

con este título quérese recoller a idea do mosaico da historia do pensamento e da memoria colectiva, visibilizar como está incompleto sen as teselas con nome de mulleres nas artes, nas ciencias, na literatura, ... polo que está relacionado e inclúe ao proxecto Lúas: ciencia comprometida, ciencia transformadora. Así como terá en conta a perspectiva de xénero, igualdade de oportunidades, referentes en todos os ámbitos, intervencións sobre a violencia machista,...

segunda-feira, 13 de novembro de 2017

PALABRA DA SEMANA

13 - 17 de Novembro.


domingo, 12 de novembro de 2017

POETIZAR A ESCOLA, POETIZAR A VIDA.

“Poesía é a unión de dúas palabras que un xamais suposo que puideran xuntarse, e que forma algo así como un misterio.”
 García Lorca

Este curso a nivel de centro propúxose unha nova dinámica: Poetizar a escola, poetizar a vida. Que consiste en empezar cada día o faladoiro coa lectura dun poema.

Os poemas seleccionados poden ser de temas variados, poden ser lidos polo profesorado, polo alumnado, poden traelos da casa,... e dado que os poemas son obxectos artísticos en sí mesmos que nos producen sensacións, sentimentos, desenvolven a nosa sensibilidade, ... non será preciso estudialos e analizalos, aínda que si se considera preciso poderase profundizar nos que creamos que debemos facelo.

Aínda que na biblioteca contamos con algúns fondos de poesía e unha recompilación de poemas sobre o mar (feita por unha compañeira do centro) que pode servir para presentar os mares da lúa.

Na rede tamén atopamos algúns recursos que consideramos que son interesantes:

Blog feito no centro, en infantil, onde podedes atopar algúns poemas sobre a lúa e o mar (para falar dos mares da lúa).

Páxina de poesía musicada

LÚAS: RECURSOS

Seguimos compartindo recursos relacionados co proxecto anual deste curso, nesta ocasión trátase dun enlace a unha wiki feita fai un tempo polo profesorado de educación infantil, nela atoparedes obras onde aparece a lúa, é unha presentación monográfica sobre o firmamento na obra de Miró.

COLECCIÓN DE OBRAS DE ARTE ONDE APARECE A LÚA


 

quarta-feira, 8 de novembro de 2017

MOCHILAS VIAXEIRAS


A partir de hoxe, as mochilas viaxeiras empezan a visitar as casas de todos os nenos e nenas do colexio, agardamos que os contidos das mesmas resulten interesantes tanto a grandes como a pequenos e que vos fagan pasar bos momentos en familia.

segunda-feira, 6 de novembro de 2017

PALABRA DA SEMANA

6 - 10 de Novembro.


sexta-feira, 3 de novembro de 2017

LÚAS: RECURSOS

Recomendámosvos o programa "Ellas", adicado á investigadora Margarita Salas. 


Preme na imaxe para ver o documental.

7 de NOVEMBRO: XORNADA DE PORTAS ABERTAS


CHEMA MADOZ


O vindeiro martes, 7 de novembro, ás 16 horas, celebraremos un ano máis a Xornada de Portas Abertas da biblioteca do CEIP Heroínas de Sálvora, na que presentaremos o proxecto de innovación deste ano, animaremos  ás familias a participar na organización e xestión da biblioteca, así como unha utilización máis activa dos seus recursos. 


Aproveitaremos a xornada para proxectar a película Figuras Ocultas (2016), que está directamente relacionada cos contidos do proxecto de innovación deste ano.

Lembrarvos tamén que o 24 de outubro foi a data na que se conmemora o Día das Bibliotecas Escolares, polo que o vindeiro martes 7 de novembro repartiremos un autocolante que recolle a presentación do proxecto de poesía iniciado este curso: POETIZAR A ESCOLA, POETIZAR A VIDA (do que vos daremos máis información en outra entrada do blogue) e a celebración do Día das Bibliotecas Escolares.



Esta obra de Chema Madoz foi escollida por diversas razóns:


- Por ser un poeta visual de vangarda, referente a nivel mundial pola súa xenial creación e sensibilidade.
- Pola presenza da Lúa ligado ao Proxecto anual da escola.
- Por ser unha Lúa convertida en un Gong que marca cunha poesía o inicio diario dos nosos faladoiros.
- Pola sensibilidade que se recolle nesta obra asociada a educar na sensibilidade a través da poesía.
-Pola indiscutible vinculación da poesía coas bibliotecas.


A imaxe vai acompañada por este pensamento de Juan Ramón Jiménez, onde fala da "contemplación", acción de vital importancia  que esquecemos moitas veces.


Contamos con vós!!! E agradecemos de antemán a vosa asistencia.

segunda-feira, 30 de outubro de 2017

PALABRA DA SEMANA

30 de Outubro - 3 de Novembro.

segunda-feira, 23 de outubro de 2017

PALABRA DA SEMANA

23 - 27 de Outubro.


segunda-feira, 16 de outubro de 2017

PALABRA DA SEMANA

16 - 20 de Outubro.



sexta-feira, 6 de outubro de 2017

PORTAL DAS PALABRAS

Outro ano máis vén o merlo Merlán, traendo no seu bico unha palabra que nos deixará… 

E onde? alguén preguntará, pois nas portas do noso cole cada semana. 

E é que este merlo lieiro sempre se acorda de nós primeiro, dos nenos e nenas de Aguiño, ai! que merlo máis feitiño!


Desfruta das verbas que ha escoller este noso merlo con moita rapidez, para encher os nosos días de curiosidade, sabedoría e moita, moita… alegría!


Esta é a primeira palabra que nos deixa:


CLUBE DE LECTURA: A SEÑORITA BUBBLE





Empezamos outubro co primeiro clube de lectura do curso, nesta ocasión o libro escollido está publicado pola Editorial Xerais e escrito e ilustrado por Ledicia Costas e Andrés Meixide respectivamente.


A señorita Bubble


A xente da vila sentiu un odio repentino pola señorita Bubble desde o mesmo día da súa chegada. A inventora apareceu por sorpresa unha mañá solleira, conducindo un convertible que funcionaba a vapor, e instalouse naquela vivenda que levaba tantos anos deshabitada. Repudiárona polo seu atavío, polos seus inventos, polo seu singular xeito de vivir. Ninguén sospeitaba o que en realidade sucedía no interior da mansión da señorita Bubble.


EN QUE DATAS SERÁN AS XUNTANZAS? 




A QUE HORA TEMOS AS XUNTANZAS?



COMO ORGANIZAMOS A LECTURA?


Agardamos que os integrantes do clube desfruten con esta lectura!!

quinta-feira, 5 de outubro de 2017

2 de OUTUBRO: SORPRESA NA BIBLIO!!!

A semana pasada os nenos e nenas de 6º de educación primaria, que este curso son os "Axudantes de Biblioteca" entregaron en tódalas aulas do centro una invitación, que nos emprazaba a ir á biblioteca o luns 2 de outubro.





E cando chegamos alí os axudantes de Honorata, a mascota da nosa biblioteca, estaban preparados para explicarnos o que ía acontecer de seguido.




Coa comunidade dos pequenos e 1º de educación primaria, os axudantes de biblioteca tiñan preparada unha busca do tesouro na que había que atopar a Honorata que estaba agochada na biblioteca. Unha vez que a atoparon os axudantes de Honorata meteron a nosa mascota na máquina transformadora e...



... apareceu Honorata!!! 


Para rematar a actividade Honorata presentou o proxecto deste curso: LÚAS: ciencia comprometida, ciencia transformadora e leu o conto: A que sabe a lúa.




Coas comunidades de medianos e maiores, non fixeron a busca do tesouro, senón que os axudantes de biblioteca presentáronse facendo pareados cos seus nomes e invitaron aos seus compañeiros/as a que tamén se presentasen facendo pareados.



A continuación Honorata presentou o proxecto e propuxo que escribisen a súa historia, posto que Honorata so sabía que vivía na biblioteca e non se lembraba de cómo chegara, como era a súa vida antes,... con todas as historias que se recollan os axudantes de biblioteca serán os encargados de escoller a que consideren que cumpre todos os requisitos para convertirse na historia de Honorata.

Así que agardamos que todos e todas individualmente e/ou en grupos vos animedes a presentar a vosa historia.


E para rematar a actividade Honorata agasallounos coa súa comida favorita, queixo, e tiña preparado un prato con anacos de queixo para cada grupo e tamén nos agasallou cun autocolante do proxecto:


O equipo de biblioteca agradece a felicita a todo o alumnado de 6º pola deseño, organización e celebración desta fermosa actividade na que fixeron partícipes a todos/as os/as nenos/as do cole.

PROXECTO LÚAS

Comenzamos o mes de outubro e a nosa biblioteca empeza a súa actividade, o mellor xeito de comezar o curso é presentándovos o proyecto deste ano:

LÚAS: CIENCIA COMPROMETIDA, 
CIENCIA TRANSFORMADORA


Que ilustramos con esta obra de Luis Seoane, titulada Mar picado porque ...

- ... é dun artista galego.
- ... a lúa está situado nun espazo central.
- ... aparece o mar, que se relaciona cos mares da lúa, e o mar do ADN do noso entorno.
- ... é unha das obras interpretadas nunha das paredes da escola.
- ... é un mar axitado, vivo...como a ciencia comprometida e transformadora.
- ... se presta a ser descrito a través dos cinco sentidos.
- ... fala do mar, do noso mar galego... onde hai que reinvindicar a presenza do I+D a nivel científico para  poder cubrir necesidades: pesca respetuosa, conserveiras e novas alternativas, estudo de especies propias, ...



O cartel está acompañado da sensibilidade dos versos da escritora portuguesa Shopia de Mello B. A.

Esperamos que sexa do voso agrado, e que as Lúas sexan as nosas acompañantes neste proxecto que promete unha proveitosa e comprometida travesía.

domingo, 25 de junho de 2017

ÉRIC DOPAZO

O pasado xoves 22 de xuño o equipo de biblioteca organizou no conservatorio de Aguiño un concerto e charla interactiva a cargo do activista transexual Éric Dopazo, co que tentou suscitar nos nenos e nenas unha reflexión ao redor de temas como o machismo, a selección de cores por xéneros, a violencia de xénero, a idea do amor romántico,...





Con esta actividade damos por rematado o curso e pechamos o proxecto Nenúfares no que estivemos enrrolados ao longo do curso; pero que pechemos o proxecto non implica que nos esquenzamos del, xa que todas as experiencias vivida serán difíciles de esquencer e agardamos que formaran parte de nós alá onde estemaos.



Para concluír a xornada no conservatorio, o equipo de biblioteca agasallou aos nenos e nenas de 6º que ao longo de todo o curso colaboraron como axudantes de biblioteca no tempo de recreo. Momento que aproveitamos para despedilos, xa que para o curso que ven empezan a súa andaina no instituto.



O EQUIPO DE BIBLIOTECA AGARDA QUE PASEDES UN BO VERÁN!!!

VÉMONOS EN SETEMBRO!!!!

sexta-feira, 23 de junho de 2017

PALABRAS DA SEMANA

Luns, 19 de xuño.



Martes, 20 de xuño.



Mércores, 21 de xuño.



Xoves, 22 de xuño.



Venres, 23 de xuño.